Шляхам жыцьця (1923)/I/Беларус

← У ночным царстве

Беларус Верш Аўтар: Янка Купала 1923 год

Ці-ж ня доля мая?! →

Іншыя публікацыі гэтага твора: Беларус (Купала)

Прапануем да спампаваньня!

Беларус.

Сеў, як той крыж на расстаі,
Сярод пушч і поля,
Злажыў рукі і чакае
Усё нейкай долі.

Ўстане-ж, пойдзе полем, логам,
Будзе дыхту, будзе:
Пачапаў тупым нарогам
Кургановы грудзі.

Лом з крыжоў магільных звале,
Бульбу падпякае…
Пад’еў, сеў, як крыж, і далей
Долі ўсё чакае.

А ці-ж прыдзе доля гэта,
Трудна адгадаці,
Пакуль толькі з лета ў лета
Пляце яму лапці.

---