Шляхам жыцьця (1913)/V/На рынку

З пляцоўкі Вікікрыніцы
Гэй, капайце, далакопы… На рынку
Верш
Аўтар: Янка Купала
1913 год
Чужым
Іншыя публікацыі гэтага твора: На рынку.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




На рынку.

—Хадзеце, хадзеце, вясёлые людзі!
А жыва да нас на таргоўлю:
Пакупка—гасьцінчык вам кожнаму будзе
Чырвоненькі, хатняй гадоўлі.
Паціху… ня бойцеся—пойдзе ўсё гладка,—
Крый, Божэ, якога прымуса.
Маленькая рэч,—як матыль ці стрынатка…
Ўсей куплі—душа Беларуса.
Меў хату, меў поле;—прыйшлі і забралі…
Сам вінен: ня ўмеў пільнаваці.
Ну, ўсякаму-ж трэба як небудзь жыць далей,—
Душу вось і можэ прадаці…
Падходзь-жэ, паночку!.. знімі акуляры—
Лепш будзе агледзіць пакупку;
Ты, барынько, так-жэ падбліжся!.. мы нары
Дамо нават з ёю галубкай…
Штось срэбнікаў с трыццаць—як пішэ ў законе
Узяў за Хрыста калісь Юда…
Аб гэткай цане ані сьнім мы сягоньня:
Станело ўсё—душы і цуды.
Дасьцё крыві с каплю, з гарошынку чэсьці—
І—ваша душа ва ўсей хвале…
Бо так—не купіўшы—ня сьлед на крыж весьці:
Гатовы сказаць, што вы ўкралі…