Шляхам жыцьця (1913)/III/Ці ты чуеш?..

Ці ты чуеш?..
Верш
Аўтар: Янка Купала
1913 год

Іншыя публікацыі гэтага твора: Ці ты чуеш?..

Прапануем да спампаваньня!

Ці ты чуеш?.

Ці ты чуеш, дзяўчынка,
Як трасецца хацінка,
Як ветрыска скаголе,
Шум нясе нейкі с поля?
Ці пачуўшы пазнала,
Што ўсё гэта нагнала
Табе ў сэрцэ су сьвета,—
Ці атчула ўсё гэта?..
Гэта восень заводзе,
Сьлёзы лье ў непагодзе
Над табой, нада мною,
Над нешчаснай зямлёю.
Не пужайся-ж ты крыкаў
Непагоды вялікай…
Нас Бог крыўдзе з людзямі,—
Восень плачэ над намі.