Хоць я бедны, хоць я гол…
Хоць я бедны, хоць я гол… Песня Аўтар: Ян Чачот Крыніца: http://bk.knihi.com/cacot/cacot5.html |
Хоць я бедны, хоць я гол,
Рабіў я за татку стол;
Ды больш жа се я упіў,
Як да Бога се маліў.
Цяпер галоўка баліць,
Ой, не буду ж водкі піць.
Ты, Божухна, мне даруй,
Ты, ойчанька, не бядуй.
Цяпер твой сынок пазнаў,
Як ён цябе памінаў;
Перад Богам зрабіў грэх,
Перад людзьмі зрабіў смех.
Ой, папраўлюся ж я вам,
На мшу толькі ксяндзу дам,
Сам ціха се памалю,
Слёзы з вочак абатру.