Комсамольскія вершы (1930)/У паход!

← КІМ‘аўскі марш

У паход! Верш Аўтар: Юрка Лявонны 1930 год

Маладое →

Прапануем да спампаваньня!

У ПАХОД!

Дзеды нашы гнулі сьпіны
Над сахою у сьпеку дзён…
Дык затое у нас павінен
Цаліну ўзьнімаць „Фордзон“!
Зараз мэтай спазаранку —
Ўзьняць, падвоіць ураджай.
Ведаў болей — больш чытанкі,
Агранома ў вёску дай!

Што нам сьцюжа?
Ўсе зважай!
Выдзем дружна
За ўраджай.
Ды атрадам,
Полем, садам…
Хай нясецца з краю ў край:
Стромка, роўна
Бязумоўна —
Комсамол — ва ураджай!

І над гаем, рэчкай, кручай,
Дзе спрадвеку — пыл ды мох
Бляск электрыкі гаручай
Праімчыцца ў правадох.
Плённай працы будзе вынік
Залатым насеньнем зьзяць.
Больш ня будуць тута стыні
Па-над глебай панаваць!

Што нам сьцюжа?
Ўсе зважай!
Выдзем дружна
За ўраджай.
Ды атрадам,
Полем, садам…
Хай нясецца з краю ў край:
Стромка, роўна
Бязумоўна —
Комсамол — за ураджай!