Ты побач, даль соцыялізма... (Пастарнак/Дудар)

З пляцоўкі Вікікрыніцы
Ты побач, даль соцыялізма...
Аўтар: Барыс Пастарнак
1931
Арыгінальная назва: Ты рядом, даль социализма
Пераклад: Алесь Дудар
Крыніца: https://knihi.com/Barys_Pastarnak/Ty_pobac,_dal_socyjalizma.html
урывак з вершу "Волны"

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Ты побач, даль соцыялізма...


Ты побач, даль соцыялізма.
Ты скажаш — блізь? Між цеснаты,
Дзеля жыцця, дзе мы сыйшліся, —
Перапраўляй, ды толькі ты.
 
Ты курышся скрозь дым тэорый,
Непараўнаная зямля,
Бы шлях у свет, бы шлях да мора,
Бы ў Грузію з Млет роўны шлях.
 
Ты край, дзе ўдовам у Пуціўлі
Зязюлькамі не кукаваць,
І я ўсёй праўдай і шчасліўлю,
Ёй прэч не трэба выглядаць.
 
Дзе вольна дышыцца ім побач,
Дзе пал не мучыць, не гняце,
Не пакідае ў рэшце дробі
На боль для матак і дзяцей.
 
Дзе быту дробную падачку
З быцця не маю ў рэшту я,
А значу тое, што я трачу,
І трачу ўсё, што знаю я!
 
Дзе голас, наўздагон пасланы
Непераможнай навіне,
Майго дзіцяці расцвітаннем
Гукае з будучыні мне.



Гэты твор знаходзіцца ў грамадскім набытку ў Беларусі і ЗША, бо тэрмін абароны выключнага права, які доўжыцца на тэрыторыі Беларусі 50 гадоў, скончыўся.


Падрабязней гл. у дакументацыі.