Творы. 1918―1928 (1930)/2/…О так! Я пролетар…

← А зязюлька кукавала…

…О так! Я пролетар… Верш Аўтар: Янка Купала 1930 год

З новым годам! →

Іншыя публікацыі гэтага твора: О так! Я — пралетар!...

Прапануем да спампаваньня!

…О так! Я — пролетар!..
Яшчэ учорах раб пакутны —
Сягоньня я зямлі ўладар
І над царамі цар магутны!

Мне бацькаўшчынай цэлы сьвет,
Ад родных ніў я адвярнуўся…
Адно… ня збыў яшчэ ўсіх бед:
Мне сьняцца сны аб Беларусі!

1924 г.