Творы. 1918―1928 (1930)/2/Наш летапісец

Наш летапісец
Верш
Аўтар: Янка Купала
1930 год

Іншыя публікацыі гэтага твора: Наш летапісец.

Прапануем да спампаваньня!

НАШ ЛЕТАПІСЕЦ

Пасьвячаю Ў. Ігнатоўскаму ў дзень пятнаццацёхгодзьдзя яго культурна-грамадзкай працы на ніве Беларускай.

Пад нашэпты пушчаў-бораў,
Пад напевы завірухаў
Летапісец творыць творы,
А ты слухай, шчыра слухай.

Беглі векі, як ручаі
Паміж нашых сьцежак, межаў, —
Чужаніца байкі баіў,
А ён толькі праўду рэжа.

Як жылі, як вечавалі,
Як пасьля былі ў прыгоне,
Адаб‘е, як у крышталі,
Летапісец наш сягоньня.

Думкі мудрыя ён піша,
Нібы пацеркі з бурштынаў, —
Як пазбыцца лішніх крыжаў,
Як падняць дабро краіны.

Вызначае шлях наперад —
Дзе, кудой ісьці нам лепей,
Каб ня ўпалі зноў у нерат,
Каб палон не ашчарэпіў.
...........

І ўзбуялі нашы людзі,
Пачалі ўвысь голаў высіць…
Зручна жыць на сьвеце будзе,
Калі ёсьць свой летапісец!

12-XI 1924 г.
Менск.