Творы. 1918―1928 (1930)/1/У хорамах

← На паграніччы

У хорамах Верш Аўтар: Янка Купала 1930 год

А зязюлька кукавала… →

Іншыя публікацыі гэтага твора: У хорамах.

Прапануем да спампаваньня!

У ХОРАМАХ

Узносілі муры,
Каб княжыці ў мурох;
Ад зоркі да зары
Купаліся ў ігрох.

Зьвінела серабро,
І золата, і медзь;
На зло і на дабро,
На ўсё — ўсё ўмелі мець.

Ня ў страх ім ноч і гром,
Зямля, сьвет цэлы — рай;
Кані-арлы віхром
Імчалі з краю ў край.

Салодкі мёд пілі,
Жыць соладка было,
Забылі адылі,
Што йнакш жыло сяло.

9-ХІ 1918 г.