Сшытак вершаў (Александровіч, 1938—1946)/Не шкадую

← Песня

Не шкадую Верш Аўтар: Андрэй Александровіч 1946 год

Будзе, спраўдзіцца ўсё гэта →

Прапануем да спампаваньня!

Не шкадую

Хай мне суджана вызнаць пакуты
На зямлі ледзянога агня.
Не шкадую ні воднага дня
І ніводнай пражытай мінуты.

Пакідаючы змрок сутарэння
Колькі светлых лунала надзей.
Стаў я ў дні маладосці сваёй
Запявалам свайго пакалення.

Я гарэў неўгамонным задорам
Бурапенных юнацкіх прыгод.
Ідучы я не знаў перашкод,
Я не ведаў ні смутку, ні гора.

Кроў айчыны маёй бушавала
Разгаралася ў жылах маіх.
Ветлым подыхам сіл маладых
Песня ўсюды мяне выручала.

Не баяўся вятроў непагоды,
Я ніколі не хмурыў чало.
Мне нічога мілей не было
Як юнацтва, любоў і Свабода.

Хай сягоння няволяю скуты,
Хай гвалтоўна ссадзілі з каня.
He шкадую ніводнага дня
І ніводнай пражытай мінуты…