Сшытак вершаў (Александровіч, 1938—1946)/Краю родны…

← Благаслаўляю дзень і час

Краю родны… Верш Аўтар: Андрэй Александровіч 1946 год

Песня →

Прапануем да спампаваньня!

Краю родны…

Краю родны, я ўмеў ганарыцца
Неўміручым тваім хараством.
Я не раз накідаўся ваўком
Не даваў над табою глуміцца.

Неўміручым тваім хараством
Не адзін таргаваць лятуценіў.
Як хацелі цябе на калені
Перад чорным паставіць арлом.

Я не раз накідаўся ваўком,
Бараніў тваю славу і волю.
Хоць падкідышы з панскага поля
Мне гразілі з падполля мячом.

Я ім косткай у горле стаяў,
Не даваў над табою глуміцца.
Як прыемна табой ганарыцца
Дарагая краіна мая.