Творы М. Багдановіча (1927—1928)/I/I/78

← 77. ⁂ Вышаў з хаты

78. ⁂ Сьцюжа, мрок Верш Аўтар: Максім Багдановіч 1927 год

79. ⁂ Прыдзецца, бачу, пазайздрыць бяздольнаму Марку →

Прапануем да спампаваньня!

78.

∗     ∗
∗

Сьцюжа, мрок… Я ізноў хвараваты.
Ў сэрцы — думак дакучных цяжар.
Заварыць-бы гарачай гарбаты,
Разагрэць-бы хутчэй самавар.

Запяе ён і тонка, і ціха,
Зазіяе на спод аганьком, —
I разьвеецца цёмнае ліха
Над маім абагрэтым кутком.

1915-16.

Увагі

78. Сьцюжа, мрок… Верш выдаецца з чарнавога аўтографу з папкі IV, № 8, 34. Гл. ўвагу да вершу № 71.