Старонка:Ziazula Andrej.Z rodnaha zahonu.djvu/172

Tolki smutna styrčać
Na aržyščy tych niŭ
Pni, dy wietry hudziać:
„Wasilok tutka ćwiǔ!“
............
Tak jak krasku ściała
Smierć Ciabie, Pieśniarok,
I ad nas adniała,
Małady Huślarok!
Byccam kraska — Ty ćwiǔ,
Kraj swoj ščyra lubiǔ,
Ab krasie jaho śniǔ,
Da žyćcia nas budziǔ.
Chaj-ča heta ziamla
Budzie lohkaj Tabie,
Wasilka-Wasila
Chaj prytulić k sabie.

ZA ŠTO?

(Z pryčyny falšu ŭ Nr. 149 „Kur. Lit.“)

Za što nienawiść, pieraśledy
My daznajom ad Was, Pany?
Za što falšywyja ujedy
Praz Was da druku padany?

Ci nie za toje, dzieci nočy,
Wy strašny homan padniali,
Što praŭda ŭsim Wam kole ŭ wočy,
Što praŭdu Wy zapradali?

Ci nie za toje, što na mowu,
Jakoj ǔžywaje naš narod,
Wy ździek nakinuli i słowu
Zamknuć žadajecca Wam chod?