jaho da świaščenstwa. Kali-ž ksiandzu M. hetaha nie ǔdałosia i Astramowič staŭsia ksiandzom, tady jon, rabiŭ zachady, kab duchoŭnaja ŭłada ks. Astramowiča naznačyła na samy paŭnočny ǔschod Sibiry na… Kamčatku! Pryčyna hetkaj nienawiści — biełaruskaść ks. Astramowiča. I tolki dziakujučy zastupnictwu dobrych ludziej, jakija zaŭsiody jość na świecie, zrabić hetaha nie ǔdałosia.
3. Charaktaram Astramowič byǔ ščyry, dziŭna prosty, žywy, zapalny i haračy, zaŭsiody wiasioły, dobry, usłužny, harača-pabožny i dziǔna patryotyčny.
Niekulki rysaŭ da charakterystyki Astramowiča daje nam Кrаǔсоǔ Makar u „Бел. 3воне“ (16.XII.1921. № 23), u swaim paśmiertnym ab im uspaminie, niekatoryja dumki jakoha tut źmiaščajem:… „Nia chočacca wieryć, što pamior sapraŭdy naš nie stary jašče liryčny piaśniar Andrej Ziaziula…
Mnie dawiałosia pieršy raz spatkacca i paznajomicca z ks. Astramowičam u Miensku ŭ časie niamieckaj akupacyi. Zajšoǔšу adnaho razu ŭ kwateru „Biełaruskaha Pradstaŭnictwa“ na Sierpuchoŭskaj wulicy i prywitaŭšysia z tymi, kaho ǔžo znaǔ, ja nie paśpieŭ zaǔważyć dobra za stolikam nieznajomuju mnie asobu, jak byǔ zaraz-ža joj adrekamandawany…
Ja nia moh, jak naležyć, razhladzieć duchoŭnickaj adziežy ks. Astramowiča i padumaŭ prosta, što jon jaki-niebudź wiaskowy wučyciel. Prosty, ale enerhičny niejki wyraz jaho twaru, wiasioły, mała padobny na duchoǔnicki humar i wiečnaja lohkaja ǔśmieška pry hetkaj-ža lohkaj hutarcy wykazwali niazwyčajnuju niejkuju nieśmiarotnuju moładaść, wialikuju zdolność i enerhiju…
