|
Lipa ćwicie. Na śpiekacie
Ǔkruh pach dajecca čuć
I pčoły ćmoj ŭ listwie hustoj
Huduć i miod biaruć.
Siwieńki dzied lipowy ćwiet
Zbiraje wun na lek:
Ad łamaty balzam światy
Ŭ im maje čaławiek.
Z wiśniowych dreŭ chto tolki ǔśpieǔ
Rwie jahady z halin,
A tam iznoŭ biaruć z kustoŭ
Parečak moc, malin.
Na poli skroś raboty dość,
Ludcy upali ǔ šał;
Žniwiarka jdzie, žytco kładzie
Na žmieni na pawał.
Tut sierp braždžyć, kasa źwinić,
Šaścić sałoma ŭmach,
A pieśni ton z usich staron
Čuwać na postaciach.
Tam dzie-nia-dzie kaśba idzie
Na spoźnienym łuhu,
Z pakosaŭ kop, čutny zakrop
Ad siena-murahu.
Ŭ harodzie mak ćwicie; burak
Baćwiniem być hatoǔ!
I ahurok da sonca bok
Swoj wywiarnuǔ z listoŭ.
Cybaty bob praz rasciarob
Zikraty ǔzrok uźniaŭ,
I šmat strukoŭ dla pastuškoǔ
Užo pryhatawaŭ.
|
