Гэта старонка была вычытаная
Чаго ходзяць? што шукаюць
Сярод цьмы-нягоды?
Гэта ходзяць, азіраюць
Божы сьвет два годы.
У старога за плячамі
Мех стары трасецца,
Малады год пад дарамі
Ажно крэхча, гнецца.
— Фу, мароз які пякучы —
У ваччу іскрыцца!
Мерзнуць ногі праз анучы,
Нос гатоў зваліцца!
Кажа новы год старому:
— Дык спыні шум буры —
Мо пляцецца хто дадому
Да свае пячуры,
Каб спаткаць мяне пачэсна,
Як вядзецца ў родзе,
З жонкай, з дзеткамі сумесна,
У ладу і згодзе.
Цяжка бедным і пахілым,
Зжалься над народам!
Я хачу быць для ўсіх мілым
Добрым новым годам:
