Старонка:Zbor t1v2 1928.pdf/149

З пляцоўкі Вікікрыніцы
Гэта старонка была вычытаная

Усё ад нас забралі,
А што нам далі вы?
Чые нудна ў полі
Так марнеюць нівы?

Вузенькаю ніцьцю
Чые йдуць палоскі?
У чыім то жыце
Многа так бярозкі?

Каму адвялі вы
Пусташы, каменьне?
Хто з свайго засеву
Не зьбярэ насеньня?

Чые гумны, хаты
Гнуцца сіратою?
Чые сьлёзы льлюцца
Кожнаю парою?

І чыя скацінка
Сохне ў пустым полі
І як гаспадар іх
Гіне у няволі?

Чыя песьня-скарга
Ў неба йдзе дакорам,
К месяцу і сонцу
І к далёкім зорам?

Багачы і панства
І вы, ўсе брадзягі!