Старонка праверана
Даражэй за ўсё — свабода,
Дык што плакацца дарма?
Воля, воля! толькі шкода,
Што цябе нідзе няма.
1910 г.
2
Эх, нашто ўздыхаць па волі,
Калі я ня маю долі,
Калі марна годы трачу,
Калі сэрца ў смутку плача?
Знаць, няшчасным урадзіўся,
Што сьвет белы зачыніўся,
Зачыніўся, зьбегся клінам…
Горка быць мужычым сынам.
Богач зьяе ў пазалоце,
Мужык бедны мрэ ў бядоце.
У мядалях „зубр“ багаты,
А ты носіш адны латы,
Бо мужычы сын пахілы
Роўнасьць мае… у магіле.
1908 г.