Старонка:Uładzimier Chadyka - Suniсy (1926).pdf/24

З пляцоўкі Вікікрыніцы
Гэта старонка не была вычытаная

СКРЫПІЦЬ ТУГА…

Кастрычнік сіверыць ля куста,
На сонца чырвані схілілася дуга:
Ой, ды чаму-ж вакол так пуста?!.
Скрыпіць туга…

Саломай шастае пуціна,
Пад коўдрай бураю дыміць прастор балот,
З вятром нячутна павуцінай
Гамоніць плот.

Глядзіць гарод ў стракаты поплаў,
Гумно палошчыць твар, запылены ў агні…
На йгрушы штосьці ліст пажоўклы
Трупціць ў гальлі…

Ў садку абсеў шкілет агрэсту,
Жывым лісьцём камкоў крылатых шчыльны гурт,—
Сюды йшчэ крэсіць хаця блесткі
Прамнёвы прут.

Ня песьніць вулка вёскі ў вечар,—
Хаця-6 папалася з людзей адна душа,
Калі-ж хто выйдзе—голаў ў плечы
І—шырай шаг…