Гэта старонка не была вычытаная
- Ажэніцца — пераменіцца. Нос., 41, 120; Мін.-Мал., 1970, 158; Пух; У. Іваноў, 1958, Мінск 13.5.17. Вар.: Нос., 126.
- Жаніцца — не ляніцца. Нос., 41.
- Чым бы дзіцятка не займалася, абы каб жаніцца не прасілася. М. Малочка, 1959, Круп. 8.1.46.
- Тады ажэніцца, як лысы вол (бык) ацеліцца. Fed., 11; Г. Шымко, 1967, Навагр. 13.10.21; Ю. Ботвін, 1967, 1967, Ваўк. 13.10.28. Вар.: Р. Цыбульская, 1967, Валож. 13.10.24; В. Лашчэўская, 1967, Дзятл. 13.10.28.
- Тады будуць жаніцца, як быкі стануць цяліцца. Fed., 363. Вар.: Сцяшк., 610.
- Скарэй сабака шчэніцца, чым шалудзівы жэніцца. Нос., 150.
- Нашто мне жаніцца, калі добра па чужых жывіцца. Fed., 363.
- Дзе ён, там яго і дом. Цар., 242, Мінск.
- Гэтага цвету па ўсяму свету. Крэмнеў.
- Сем раз глядзі, а назад не вядзі. М. Бабарыкіна, 1966, 13.3.29.
- Не хвалі каня, запрагаючы, а дзеўку — выбіраючы. Fed., 149; І. Суконкін, 1960, Церах. 13.3.29.
- Лён хвалі ўвосень, а дзеўку — замужам. І. Суконкін, 1960, Церах. 13.3.29.
- Хвалі дзень вечарам, а дзяўчыну замужам. Янк. М., 39.
- Люблю дзеўку абы-чыю, была бы толькі па абычаю. Дуб., 32.