Гэта старонка была вычытаная
- Даганяючы, не нацалуешся (не пацалуеш, не цалаваць). Нос., 36; Fed., 97; І. Сагарава, 1950, Браг. 8.1.35.
- Ліжучы, не наясіся, даганяўшы, не нацалуешся. Dybow., 7. Вар.: Fed., 167.
- Даганяючы, не начастуешся. А. Русіновіч, 1954, Светл. 13.3.29.
- Пацалаваў — не зарэзаў. М. Грынблат, 1932, Мінск.
- Хмель тычынку абвівае, дзеўка хлопца абдымае. Сержп., 63.
- Дзе баліць, там ручкі, дзе міла, там вочкі. Tyszk., 420; Шпил., Бел., 177.
- А гдзе цемна, там пшыемна. І. Курбека, 1961, Докш. 13.9.7.
- Не гадана, не жадана, а само прышло. Нос., 111.
- Ждала, ждала — ды й годзі сказала. М. Бандарэнка, 1966, Маз. 13.3.29; У. Іваноў, 1958, Мінск.
- Ждалі, ждалі, дай жданкі паелі. Нос., 41; Радч., 277; Сержп., 30. Вар.: Дуб., 20.
- Чаму ж тады не прышоў, калі ме́сік узышоў, чаго ж цябе прынясло, як сонейка ўзышло? Дуб., Нар., 2.
- Хіба чорт здумаў гэтыя залёты: ані ўночы сну, ані ўдзень работы. Fed., 348.
- Не топай нагою: не сяду з табою. У. Іваноў, 1958, Мінск, 13.5.17.
- Не тупай нагою: не лягу з табою. Нос., 104; Дуб., 38; Сержп., 7.
- Ліхога любі́ць — сябе губі́ць. Сержп., 40.
- Калі не знаць, то за што яе кахаць? Сержп., 49.