Старонка:Pieśni (1913).pdf/46

22. Pierad wobrazam Chrysta

Pierad wobrazam, Spasie, Twaim
Z niepakrytaj staju haławoju
I malusia ja sercem, dušoju
Twaim mukam wialikim, światym.

Woś z malitwaju hetaj pabóč
Na ubiŭcaŭ Twaich — warahoŭ,
Mnoha tak wyliwajecca słoŭ
Złości dzikaj i ciomnaj, jak noč.

Ja pytaju balesna siabie:
«I začym-że moj Boh im praščaŭ
I hłumicca z Siabie dapuščaŭ,
Ustupiŭšy Swoj mieč ŭ baraćbie?..»

---

23. Braty-dubki.

Biekišu.

Ja znaju u poli dwuch rodnych bratoŭ —
Zialonych, kudrawych i świeżych dubkoŭ.
Rastuć jany tama abniaŭšysia ŭdwuch
Na wuzkaj miaży, dzie kančajecca łuh
I ciahnucca k lesu pałoski šnurkoŭ
Ubohaj ziamielki bratoŭ-mużykoŭ.