Старонка:Pieśni (1913).pdf/24

Kali żyŭ ja s taboj, maładoj,
Jak na dziwa;
Byccam ptuški, ŭ dwaich
Tak ščaśliwa!

Kali časta mianie ŭ cišynie
Hałubiła.
I dychańnie żyćcia
Mnie daryła.

Ty lilejej ćwiła i była.
Jak lileja,
Soncem jasnym maim
I nadziejaj.

Kożny čas, kożny mih la dwaich
Raźjaśniaŭsia,
Ščaściem bujnym, światym
Rozliwaŭsia.

A ciapier kałaskom pad siarpom
Ja chinusia
I ad ciażkaj nudy
K tabie rwusia…

Na čużoj staranie nudna mnie,
Darahaja!..
Ciż nadyjdzie toj mih, što dwaich
Nas złučaje?..

---