Старонка:Pieśni (1913).pdf/20

Ŭsioż ja nudny, niezdarowy,
Horu paturaju,
I chwilina u chwilinu
Ciabie spaminaju.

Ŭspaminaju jasna, żywa
Wiesnawyje nočy,
Maładyje twaje ščoki
I čornyje wočy,

I rasšumlennyje koski
Na plečach na hudziach…
Miły wobraz twoj na moment
Serce nie zabudzie.

Jano plače, mocna plače,
Żalicca na dolu.
Što zaŭsiody pahardzaje
Sercem biez patoli.

Što nia čuje jaho bolu,
Bolu krywianoha,
Razlučyŭšy tak s kahanniem
Mianie, maładoha…

Ja tak peŭna nie zjaśnieju
Toj krasy wialikaj
Što lijecċa świetu soncem
Ŭ jaho dziŭnym bliku.

Ja nia čuju, što hawore
Pieśnieju mnie ptaška…
Biez ciabie tak, darahaja,
Sumna mnie i ciażka!

---