Старонка:Pesni galby 1910.pdf/71

З пляцоўкі Вікікрыніцы
Гэта старонка была вычытаная

У ШКОЛКУ.
Ярка на камінку
Смольны корч палае;
Бацька на колодцы
Лапаць выплетае.

Латае халацік
На услоне матка;
Ў школку заўтра пойдзе,
Іх сынок Ігнатка.

Сын васьмігадовы
Корчык падкладае,
З бацькавай работы
Вочэк не спушчае.

Сьветлая галоўка.
Мысьлямі занята;
Многа ўсякіх думак
У вачах Ігната!

—„Ну, Ігнат, глядзі, брат,
Не дурэй, вучыся!
Годзі жыць бяз дзела —
За буквар вазьміся.

Будзь старанным, сынку,
Станеш чэлавекам,
Будзеш ты чытаць нам—
Цёмным неумекам,