adnaho polskaha historyka W. Przyborouskaha. Historyk hety piša: …„K-t litoŭski, składzieny z haračych hałoŭ moładzi, wioŭ zaŭziatyja spory ab niezaležnaść Litwy… Najwybitniejšym u kamitecie byŭ Kalinoŭski, postać jakoha namalawanaja najdaskanalejšymi i najbolš zdecydawanymi rysami… Wyznaŭca teoryi pierawarotu socyjalnaha… čaławiek adnak biasprečna čysty, wialikaj enerhii i niaŭchilnaha charaktaru. Byŭ jon biez zaściarohaŭ wyznaŭcam federacyjnych prahramaŭ Hercenaŭskaha „Kołakała“… kab sławianskija narody pazbyŭšysia despotyčnych panoŭ i čužoha jarma wytwaryli federacyju niezaležnych dziaržaŭ, jakija wobak siabie swabodna mahlib žyć i raźwiwać usie swaje narodnyja asabliwaści. Woś-ža Kalinoŭski hetuju teoryju ŭwa ŭsiej jaje šyrynie stasawaŭ da Litwy. Pawodle jaho Litwa pawinna razam z Polščaj dabiwacca niezaležnaści, zmahacca, kab pazbycca čužoha najezdu, ale pawinna stanawić adzinku asobnuju, całkom niezaležnuju ad Polščy i źwiazanuju z joj tolki wuzłami federacyjnymi. Zhodna z hetaj teoryjaj, uchodziačy ŭ litoŭski kamitet, Kalinoŭski nie chacieŭ prymać nijakich z Waršawy zahadaŭ, a chacieŭ, kab hety kamitet kirawaŭ paŭstańniem samadzielna i ŭ adnosinach da narodnaha (polskaha A. S.) ŭradu zajmaŭ stanowišča ŭłady roŭnaj i nikomu niepadlehłaj…
…U paŭstańni Kalinoŭski bačyŭ pradusim niezaležnaść Litwy, a paśla socyjalnuju rewalucyju… 10 ci 11.III.63 Addzieł (polskaha paŭstanskaha ŭradu, što kirawaŭ paŭstańniem našaha kraju A. S.) zaklikaŭ litoŭskich čyrwonych i aznajmiŭ im, što Kamitet ich jość razwiazany i pierastaŭ isnawać. Na heta byli pratesty, što Waršawa nia maje nijakaha prawa
