VIII. ZNAČENNIE BAHUŠEWIČA.
Słowam, Fr. Bahušewič pieršy ŭ bielaruskim adradžeńni tak hłyboka i usiestaronna i sapraŭdy pamastacku raskryŭ prad narodam usiu trahiedyju jaho žyćcia nacyjanalnaha, socyjalnaha i relihijnaha, a takža hłyboka, jasna i pamastacku pastawiŭ prad narodam u hetych-ža halinach žyćcia wysokija ideały.
Dziela hetaha značeńnie Bahušewiča dla bielaruskaha narodu zrazumiełaje. Značeńnie heta, jak kaža naš piśmiennik i pieršy historyk bielaruskaj literatury M. Harecki- "duža wialikaje. Jano wialikaje z histaryčna-literaturnaha pohladu, asabliwa ad ščylnaha źwiazku z našym nacyjanalna-socyjalnym adradžeńniem, duchounym baċkam katoraha i jość Bahušewič. Jon-pieršy ŭsienarodny biełaruski prawadyr i pieršy biełaruski piaśniar-rewolucyjaner. Jon pieršy nacyjanalny biełaruski poet, dahetul adzin z samych wialikich u hetym značeńni... Literaturnaje značeńnie jaho nia było aceniena jak maje być, i cikaŭna, što narod skarej za intelihientnych krytykaŭ pačuŭ jaho wielič. Paškodzili jaho literaturnaj sławie čytańniki-šlachtuny, katoryja pa staroj pamiaci i ŭ bahušewickaj paezii šukali, i ŭ hetym ,,śloznym tonie" znachodzili tolki žarty. Paškodziła joj i adarwanaść Bahušewiča ad maskoŭskaj i polskaj literatury, adsutnaść źwiazkaŭ u paeta z wydatnymi čužymi piśmieńnikami i adsutnaść toj świadomaj bielaruskaj intelihiencyi, katoraja acanila-b pieśniara i ab sławie jaho pierakazała-b čužyncam. Razumiejecca, što pa literaturnaj zdolnaści i tolki pa čysta mastackamu značeńniu z Bahušewičam niama
