Słowam, kali chto choča znajści ŭ Bahušewiča wychad z niawoli dla biełaruskaha narodu šlacham baraćby, šlacham rewalucyi - znajdzie i hetki. U tworach Bahušewiča znachodzim zaklik takža i da rewalucyi dziela narodnaha wyzwaleńnia, ale zaklik hety nie pustoha demahoha, ale narodnaha mudraca, jakim sapraŭdy byŭ piaśniar naš, jaki, jak wiedajem, čynna wystupaŭ prociŭ carskaha paniawolennia.
Dobra, musić, razumieje narod dumki swajho narodnaha Baćki, kali, pierawažna ŭ Zachodniaj Biełarusi, šyrokija biełaruskija sialanskija masy twory jaho ŭmiejuć na pamiać, jakija pierachodziać z wusnaŭ u wusny i, kali badaj usie sučasnyja biełaruskija starejšyja pracaŭniki na rodnaj niwie ŭzialisia za płuh dziakujučy "Dudcy" i "Smyku" Bahušewiča, jakija pieršyja adkryli im wočy na toje, što rabić jany majuć, jak syny padniawolnaj Biełarusi.
