skarystać z ich. Niekatoryja padabienstwy miž drukami Skaryny i Fijola świedčać ab hetym.
U wydańniach Fijola spatykajecca sproba numaracyi na listoch, a Skaryna hetu sprobu pryniali za asnowu i ǔžo ǔ jaho knihach spatykajem usie listy numarawanyja kiryłaǔskimi litarami. Raźmier litaraǔ ahułam, a asabliwa niekatorych litaraǔ wialikich, u Skaryny toj-ža, što i ǔ Fijola.
Z usich stara - sławianskich wydańniaǔ tolki ǔ Fijola i Skaryny ǔ kancy kožnaha addziełu i asobnaha zaharodku znachodziacca dwa punkty z ryskaj: (:—)
Wydańni Skaryny štukaj drukarskaj pierawyšajuć usie papiarednija stara-sławianskija druki, a tak-ža źjaulajucca lepšymi ad niamieckich i wenecyjanskich pačatku XVI st.
Z Biblii českaj Skaryna braǔ prykład, jak možna wyražacca ahułam žywoj mowaj, a dziela hetaha niamała jon braǔ z jaje českich słoǔ, wyražeńniau, a nawat i cełych zwarotaǔ.
Biblija łacinskaja (wulgata) i niamieckaja słužyli Skarynie badaj wyklučna prykładam drukarskaj štuki.
Raźmier usich pražskich knih Skaryny niewialiki: u 4° (u čaćwiertku). Dyk i sam jon ich zawie „małymi knižycami”.
Papiera ǔ wydańniach Skaryny majeć wadzianyja znaki, jak napr.: byčačaja haława, kryž čatyroch-kaniečny i inš. Hetkija znaki spatykajucca ǔ niekatorych niamieckich wydańniach z 1481 — 1523 h.
Pieršy zahałoǔny list kožnaj knižki Skaryny abaznačany kiryłaǔskaj litaraj „az", prybrany hrawiuraj, pad jakoj źmiaščajecca zahałowak knihi z pakazalniku na pierapad knihi Skarynaj z Połacka. Usio heta nadrukawana zahałoǔnymi litarami i choraša ǔbrana.
