Старонка праверана
3-ці ПАДАРОЖНЫ.
Ні думаць! Як мы—рос у вёсцы,
Як мы—такі ён сам мужык.
1-шы ПАДАРОЖНЫ.
Зайдзі ка мне—я даў-бы хлеба.
2-гі ПАДАРОЖНЫ.
Апраткі-б я не пажалеў.
3-ці ПАДАРОЖНЫ.
Каб начаваць было патрэба,—
Папас найлепшы ў мяне-б меў.
1-шы ПАДАРОЖНЫ.
Запраўды, так гавора важна.
2-гі ПАДАРОЖНЫ.
А ўжо-ж ганяюць не здарма!
3-ці ПАДАРОЖНЫ.
І песьню так пяе працяжна!..
1-шы ПАДАРОЖНЫ.
Душу, здаецца, рве яна.
2-гі ПАДАРОЖНЫ.
А ці ты помніш усю чыста?
1-шы ПАДАРОЖНЫ.
Пачатак помню я увесь.
