Старонка:Belarusi.pdf/39

СЫНЫ

Сыноў бацька сваіх кліча
На параду ў хату,
А ўрачыста як-бы кліча
На якое свята.

І з павагаю пытае
Кожнага з асобку,
Кім з іх кожны быці хоча,
Якім жыць заробкам.

*

— Бо сыны мае, — так кажа,—
Жывіцё ў краіне,
Чалавечая дзе праца
На марна не гіне.

І сыны адказ трымалі
Перад бацькам родным,
А стараўся з іх быць кожны
Свайго бацькі годным.

*

Першы кажа: — Землі буду
Трактарам варочаць,
Каб рунелі, зелянелі,
Аж яснелі вочы.