Старонка:Belarusi.pdf/33

А Ў ВІСЛЕ ПЛАВАЕ ТАПЕЛЕЦ

Балюе панская Варшава,
Бы дзень сканання хмелем хмеліць…
А Вісла пеніцца крывава,
А ў Вісле плавае тапелец.

Шасцяць мундзіры, аксаміты,
Агнямі зыркаюць палацы,
Крывёй работніцкай заліты
Завулкі, вуліцы і плацы.

*

Балюе панская Варшава
Ксяндзы частуюць сакрамэнтам;
Парадак дня сягоння — справа
Пра аб‘яднанне інтэрвентаў.

Папы з маркізамі Парыжу,
З баярствам Бухарэсту ў хэўры,
Як СССР распяць на крыжу
Плануюць планы і манеўры.

*

Балюе панская Варшава,
А для гуманнасці, прагрэсу
Ідзе аблава за аблавай
На ўсходніх „вольных“ польскіх Крэсах.