Старонка праверана
Над аграбленай краінай
Звісла чорна хмара,
А паны ўсе разважаюць
Аб дыме пажараў.
Пойдуць, пойдуць незадоўга
Вашыя палацы,
Ды з такім пажарам-дымам,
Толькі дзівавацца.
Ні жандары, ні салдаты
Вашыя не ўстояць,
Як працоўныя грамады
Зрухнуцца да бою.
Банкетуй сабе, Варшава,
Банкетуй крывава,
Хай ліецца акавіта
З крывёю на славу.
Бельведэр дачэсны доўга
Панаваць не будзе, —
У папелішча абернуць
Паўстаўшыя людзі.
Зашуміць, загудзіць
Завіруха,
Толькі думай, толькі ведай,
Толькі слухай.
Менск. 22/XI-32 г.
|}