Старонка:Belarusi.pdf/31

ЗАШУМІЦЬ, ЗАГУДЗІЦЬ…

Зашуміць, загудзіць,
Завіруха,
Толькі думай, толькі ведай,
Толькі слухай.

Мы будуем, мы пускаем
Фабрыкі, заводы,
Поле трактар засявае,
Садзім агароды.

Да нас госці ў госці едуць
З усёй кулі земскай,
І ўсе бачаць, што жывецца
Нам зусім някепска.

Мы будуем, з будаўніцтва
Робім сабе свята…
А там толькі, у Польшчы толькі,
Ўсё купляюць катаў.

А здаецца-ж кат на кату
Ясне-паны селі
І катуюць ад нядзелі
Да новай нядзелі.