Гэта старонка не была вычытаная
Пайдзём, мой міленькі, да ў зялёны сад,
Нашчыплем, мой міленькі, хмелю ярага,
Наварым мы, мой міленькі, піва п’янага,
Мы сядзем жа, мой міленькі, за цісовы стол,
Мы вып’ем жа, мой міленькі, піва п’янага,
Людзі відзюць, пра нас скажуць,
Што мы добрага роду.
29. ЖУРЫЦЬ-БРОНІЦЬ МЯНЕ МАЦІ
Журыць-броніць мяне маці,
Што позна гуляю.
А я позненька гуляю,
Добры розум маю.
Во на ціхенькім Дунаю
Каня напаіла.
Во конь вароны вады не п’ець,
Дарожачку чуіць.
Чую-знаю, мой міленькі
З другою начуіць.
Начуй, начуй, мой міленькі,
Начуй, абнімайся,
А на мяне, маладую,
Ты не забывайся.
30. ЯК ПАГНАЛА КАЦЯ
Як пагнала Каця
Волы на дубровы,
Да й пасвіўшы ж волы,
Легла да й ж заснула.
