А ў мамачкі жаласці нямнога,
Не зняла мяне з камушка бялога.
У нядзельку раненька на зары
Шчабятала ластаўка на моры.
Я на белым камушку сядзела,
Я ў крутыя беражкі глядзела.
[Я ў крутыя беражкі глядзела,]
Ці наедзе татачка вечарком.
— А татачка, татачка, нябога,
Знімі мяне з камушка з бялога,
А ў татачкі жаласці нямнога,
Не зняў мяне з камушка бялога.
У нядзельку раненька на зары
Шчабятала ластаўка на моры.
Я на белым камушку сядзела,
Я ў крутыя беражкі глядзела.
[Я ў крутыя беражкі глядзела,]
Ці наедзе міленькі вечарком.
— А міленькі, міленькі, нябога,
Знімі мяне з камушка з бялога.
У мілага жаласці ўсё многа,
Ён зняў мяне з камушка з бялога.
8. ОЙ, ТАМ НА ГРУДОЧКУ
Ой, там на грудочку
Расла груша-дзічка,
Кахайце мяне, хлопцы,
Хоць я невялічка.