Гэта старонка не была вычытаная
ЗНАЁМСТВА. ЖАДАННЕ СУСТРЭЧЫ
1. ОЙ, РАБІНАЧКАПамылка цытавання Няслушны тэг <ref>
; крыніцы без назваў мусяць мець змест
- Ой, рабіначка,
Ты зялёная,
Ой, калі ж ты ўзышла,
Калі вырасла?
— Я вясною ўзышла, Летам вырасла,
На высокі цярэм
Пахілілася.
— Ой, дзяўчыначка,
Ты прыгожая,
Дзе ты, красна, расла,
Гадавалася?
— Я у мамкі расла,
Гадавалася,
Як вішэнька ў саду
Красавалася.
— Ты, дзяўчына, скажы,
Не утоівай,
Скажы праўданьку ўсю,
Дзе ўзяла красу?
— Я спаткала красу
У зялёным лясу,
У зялёным лясу
Пад рабіначкай.
— А дзявочу красу
Не знайсці ў лясу,
Не знайсці, не купіць,
Ды прыгожай быць!