Гэта старонка была вычытаная
Заскакаў мароз па сьценах,
Віхры ў коміне галосяць;
Дроў у хаце ні палена,
Дзеці, жонка есьці просяць…
Не пужайся гэткіх хмураў:
Шмат у горад шурак трэба;
Хай-жэ дрогне лес пануры,—
Папрасі сякерай хлеба!
Гайда, жыва! Што ня ў меру
Там трасешся, як у трасцы?
Насталі сваю сякеру,
Хай у пушчы стук раздасца!..
Ты худы, кабылка худа—
Хвойку вывезлі, аж міла!
Даказалі такі цуду:
Конь, мужык на сьвеце—сіла!
|}
|
Хто ты гэткі? Хто ты гэткі? |
