Старонка:Узброеныя песні (1936).pdf/50

ПОЎНАЛЕЦЦЕ

Сягоння я пацалаваў дзяўчыну…

Дарогі ўсе расчынены гасцінна:
Равесніца Кастрычніка, як песня —
Сярод дзяўчат, сярод сваіх равесніц
Выходзіш першаю на радасны парад.

А вецер сцелецца вітаннямі на свеце…

Тваё, дзяўчына, сёння поўналецце!
Ты нарадзілася, — калі свінцовы град
Распальваў гнеў і мужнасць барыкад,
І дым руін гушкаў тваю калыску.