Гэта старонка не была вычытаная
∗∗∗
І ад края і да края
Па аснежанае шыры
Ён ідзе. Яго вітаем
Шчырым сэрцам, думкай шчырай.
І няхай не чуў ён сёння
Пах бліноў у нашых сёлах.
І няхай маўчаў гармонік,
І ў вачах дыміўся сполах.
І няхай па нас стралялі
Падкулачнікі праз шыбы! —
Мы — схаваны хлеб збіралі,
Хлеб кулацкае сялібы.
Новы год,
Свой горды ход,
Вёў на мужны штурм высот
Года першага — другой
Пяцігодкі баявой,
Большэвіцкай!
Пераможцам дзень грымот,
Сіл магутных разварот,
Новы год —
Разгортваў свой,
І ўступіў у грозны бой
Навальніцай!
