Гэта старонка не была вычытаная
Песня хлопцу сэрца раніць,
Ой, расчуліць!
Ён-жа вырас на байдане
Без матулі.
І хвілінай лятуценнай,
Быццам сон,
Марыць, што, як птах-праменны,
Ўзвіўся ён.
Вось на крыллях мар юнацтва,
Ў добры час! —
Хоча з праўдай ён спаткацца
Хоць-бы раз.
А ў якой яны старонцы?
Дзе той пуць?
Ты скажы, вандроўнік сонца,
Добрым будзь!
Шмат краін Янук мінае,
Ой, дарма!
Праўду кліча ён, гукае
І няма…
Рэжа крыллем сакаліным
Неба шоўк.
Праўду родную ў краінах
Не знайшоў…
Вось у думках бачыць горы,
Выспу скал.
