Гэта старонка не была вычытаная
13
Холадна. Застыў
шумлівых вуліц гул.
Бягу ў копэратыў
раней заняць чаргу.
Поўна галава
радасьці, надзей: —
будуць выдаваць
воблу і алей…
∗
Вогнішча расклалі.
Холадна. Мароз.
Рана паўставалі,
Выцягнуўся „хвост“.
Чую нараканьні,
дзе ні закрані:
— „Трэба чвэрць, а глянеш, —
толькі залатнік“.
Бабы ўсё скавычуць:
— „абіраюць голь, —
выдаюць сярнічкі,
а хаваюць соль“…
