Старонка:Творы (Александровіч, 1932—1933). Кніга 1.pdf/154

АДГУКНІСЯ

Адгукніся слова слову,
вершам весела зайграй.
Залаціцца
сьвет-зарніца
каляровая зара.

Адгукніся ліст лісточку
шалясьценьнем вецерка.
У прасторы
ясназорным
я дзяўчынку напаткаў.

Адгукніся сэрца сэрцу
іскрай зорнаю у глыбі
Ой, выпадкам,
вачаняткі
як вясьнянкі, палюбіў.

Адгукніся шчасьце шчасьцю
гучнай песьняй хараства.
3 ёй пайду я
баявую
сваю будучыню зваць!

1926 г.