Старонка:Слова пра Якуба Шэлю (1932).pdf/9

ПРАДСЬПЕУ

Ў белы ночы з іржышч і гумнаў,
Што аквечаны мохам, імжой,
Я зьбіраў словы песьні тэй сумнай
І прыношу скрываўленай, злой.

Ужо восень пахілыя вербы упарта
Расьцінае ў такт жабіных гам.
Вось з апошняй, фальшывай, чырвовай картай
Граю ў дурня са сьмерцю я сам.

Можа заўтра праедзе ўжо трактар
Па тых гонях з убогіх лат.
Прыдзе змрок — барадаты пактар —
Возьме поле у чорны пакт.

І на дзесяць, ці сто некіх міль наўкола
Дзе лажылася жыта ў пакат,
Ўздыме места вялізнае, голаў, —
Камяніцаў шулівы сад.