Гэта старонка не была вычытаная
„Потым пяць дзён ён гадзіўся,
Лад зрабіў з панамі:
На мужычай скуры згоду
Сьпісваць бізунамі,
„Зараз граюць, запіваюць
Новых зьдзекаў завязь.
Дарма верыць, што там нехта
Нашай крыўды ўбавіць!“
Годзе з панскай ласкі зла!
Не павернем ні сьцябла!
Ўсё лепш дымам пойдзе ўкруг.
Наша паша, наш і луг!
Згандляваў з панамі цар:
Панскі ёрмы, хамскі карк.
Згандляваў — ўладай і пей!
Купля лёгка, ўзяць цяжэй!
Хам быў хам. Гнуў ён карк.
Сёньня сам — цэпам шарх!
Бунт, дык бунт! Хочаш? — на-ж!
Возьмем грунт. Грунт той — наш!
