Гэта старонка не была вычытаная
Ад Сядліска да Смановы
Шоў у скокі сук яловы.
Танцавалі з хамам пан
Скокак-бокам без заган:
Танцавалі войт, аконам,
Не марудзілі прад сконам.
Танцавалі зуб аб зуб —
Праз вакно палацу труп.
Танцавалі ў лад, бяз ладу,
Штораз нехта ў танцы падаў.
Танцавалі раз у раз.
З вёскі косы, панскі пас.
Ў агародах плытка мелка
Кроў цякла ў рышткох гарэлкай.
Танцавалі з панам пень.
Ноч была, як белы дзень.
Дзе канец быў скокам —
Двор ляжаў упокат.
Паноў бралі ранкам,
Клалі перад ганкам.
