Гэта старонка не была вычытаная
Ў месьце Львове — гмахаў розных: —
З боку шкляны, сам, парожны,
З-за вакон шкляных тых скрынак,
Як у полі мыдляў, — шынак.
Люд з бяднейшых тут ўсялякі
Пхнецца глянуць на прысмакі,
Кожны тут палкае сьліну,
Гарляк бегае бяз спыну.
Там, дзе ежы ажно копы,
Ходзіць ноччу вёскі клопат.
Стукне ў цэглу, гляне вокал,
У палацы кіне вокам.
Раніцой на ўсіх заводах
Зык, як сотні баб пры родах,
Аж дрыжаць муры і панове
Ў белым месьце, месьце Львове.
Дні аскубаюць з дрэваў лісьце чыста,
Мацнейшае яшчэ ліпіць да часу,
Цікавіць львоўскіх тых канцылярыстаў,
Ці зможа ўпор мужычы перагасу.
