Гэта старонка не была вычытаная
Як яму скуль вёска
Пашле скаргу — ліст той,
Яго зараз прачытае
Ў залі залаціста.
Толькі з поштай нешта
Ліст мужычы гіне.
Нехта свой ад цэлай гміны
З ім ісьці павінен.
Маем шмат мы крыўдаў,
Бы к сяўбе гароху —
Хай загад хоць нейкі выдасьць,
Каб паволіць троха.
Паскраблі людцы галовы.
Затаіла ціша словы.
Каго ліха пхне й чаго
У сьвет за вочы — о-го-го!
Як захопяць на шляху дзе,
Сьмерць таму, напэўна, будзе.
Лепш у хаце гора крыж.
Не парушыў жадны ціш.
