Гэта старонка не была вычытаная
Што не паеду на начлег
З такімі добрымі хлапцамі…
І зімы ў хлюпаце адлег
Каля жалезнай пройдуць брамы.
І вёсны ў зглушанай ганні,
І леты ў штучным бляску камня —
Пераляцяць, як авадні, —
Адгугняць згвалчаным паданнем.
На паскалку мінулых скрух
Варожыя заселі зубы.
Агонь зялёных воч патух
Ў сліхоце роспачы і згубы.
Шляхамі новых рат і карт,
Дарогамі нястрымных плыней —
Вяду я песень авангард
Ў агні народжанай краіне.
І не падыйдзе тлум крадком
Слоў любых дэсань пераблытаць.
Адчула сонца над сялом
Кірунак змененай арбіты.
