Гэта старонка не была вычытаная
Пакуль надрукуюць, затым
Пакуль і сфальцуюць і сшыюць —
Дум поэтычных уздым
У выдавецтве зломіць шыю!
Марыля чацьверты дзень
Ужо ля качалкі, што дротам
Кнігі сшывае. Ідзе
Хутка і нудна работа.
І ёй за машынай цяпер,
Здаецца, жывое ўсё нікне.
— Ці трэба крыху пацярпець,
А пацярпеўшы прывыкнеш?
Гарэзны званок праляціць
Па цэхавых шэрых пакоях —
Скончана праца. Заціх
Шум брашуроўкі. Затое
Гул пачынае кружыць
Вясёлы і сумятлівы…
А глянеш, гарой тыражы
У крыўдзе ляжаць сіратліва.
7
Цьмяны вечар і цьмяны сьвет
Сытных вітрын магазынаў.
Неба застыўшае вецер рве,
Каб сьнегам засыпаць вітрыны.
